یومیات تسواهن

سیدنشعان البوشوکه : یا جماعه غیر بلوه ابتلیت ویه ابوجاسم، هاذ الرجال تالیها اذا الکرونا ماتکتلنی اکید هوه راح ایموتنی منل دق، اگله یا رجال الدنیا والدین کلها اتصیح یابه لاطلعون، حتی قناه mbc أکو ابنیه صوته ایرید الروح بل یوم میت مره اتگول #بس خلیک بل_ بیت، چا مو کون اتأثر اشویه علی ابوجاسم، کل یوم اولگف بشته، ها وین یا رجال، رایح فاتحه افلان لو فلتان ولطریفه الموتی کلهم میتین ابسبب الکرونا، بویه ریّض بل بیت! دخیلک اگعد راحه…

ابداً ،صاحبنه اتگول زورو بشته ایرفرف ومطفح للفواتح وعیاده المرضی، مره ضمیت چفیته، دوّر، تعب، مالگاهه، المنطوط یدری انه ضامتها، تالی علی لجّی لبس البشت و راح إبطرج الخاچیه، یوم الثانی ضمیت الجیوه مالته، سوده علیه، عندی انعال خضر وبی ورده حمره جاسم اشترا الی روز مادر، لبسه وراح، بینی وبینکم گلت هاذ الرجال ناوی یفضحنه، یعنی لو یوم الثالث ضامّه الدشداشه ولباسه اضنن راح للفواتح ابنص الباس ورکابی، ف گلت خل استر علی وعلینه لانشتهر، گتله یا رجّال اگلک انته متوازی عل موت؟ گلی اگلچ انتی اشمالچ خایفه؟ !!! گتله عجییییب ادری ماتسمع الاخبار؟ مو لیل نهار ایصیحون ویگولون خوزستان صار اول بل کرونا وحتی صعد للفینال؟ ضحک وهز ایده، گلی ولچ یا صعد!!!

چا انتی ما سمعتی الاستاندارد شیگول؟ گتله شیگول؟ گال بویه های الناس الی آمارهم زاد چه کضو ازمایش!!!!!!! گتله یا رجال چال کلمن ایکض ازمایش ایکض کرونا؟ گلی اوووو ای لابد چا اذا الاستاندارد ایگول، ادری انتی تفتهمین اکثر من الحکومه ولچ های الحکومه اتگول، گتله زین او ذوله المتوفین الی یوم عن یوم آمارهم ایزود هم ابسبب الازمایش؟!!! ابوجاسم وهوه گاعد یطلع بره البیت وسمعه ایگول، لا بلله هل مصیوبه اتعارض الحکومه

تذکرت سالفه أبوی الله یرحمه سولفها النه، ایگول گبل ابزمان رضا شاه المنعول، الناس ماتقبل اتروح للسربازی ومن یجی رییس الپاصگه ایدوّر علی المشمولین، الزلم کلها إتشرّد وهوه الملعون مایخلی یحر مایدوّره، ایگول أبوی، فدیوم الگربان طب الدیره الزلم شرّدت شی راحت غاصت بل شط وشی لبدت بل هلثه وانه رحت لبدت ابدار التبن، المنطوط مادری یاهو وازّه علیه، مستقیم وطب دار التبن وضل ایدور بل تبن من مد ایده بل تبن، ایتلمس مسک زری، هوه عربیته امکسره، گلی انتی زلمه؟ انه، گتله والله کیف الحکومه