قصه احمار بیت انیاب

امیرالشریفی (العمیدیه) : هذول بعض الناس مدری اشخیرهم طاگهم طیر,امس طلعت و اشوف زایر انیاب یکتل علی الحماروالحمار مربوط, سئلته زایر لیش تکتله؟ شتطلبه؟ گال:هذا هم گام مایاخذ حچی من اگلّه هوُش یمشی ابدربه ومایحترمنی(ابگلبی گلت ادری چا الحمار بالکتل یستعدل لو الکتل یعدل چان المرحوم ابوک استعدل)ماعدنه سالفه خل انسولف علی ضیم هذا الحمار,تردون […]

امیرالشریفی (العمیدیه) : هذول بعض الناس مدری اشخیرهم طاگهم طیر,امس طلعت و اشوف زایر انیاب یکتل علی الحماروالحمار مربوط, سئلته زایر لیش تکتله؟ شتطلبه؟ گال:هذا هم گام مایاخذ حچی من اگلّه هوُش یمشی ابدربه ومایحترمنی(ابگلبی گلت ادری چا الحمار بالکتل یستعدل لو الکتل یعدل چان المرحوم ابوک استعدل)ماعدنه سالفه خل انسولف علی ضیم هذا الحمار,تردون الصدگ هذا الحمار یشوف الدیره تایهه ومسخره ابمسخره وهوه هم گال خل اطگهه بالعفطزه ومن های گام مایحسب انیاب وبالواقع هوه واید مکانات افهم من انیاب بس الوکت امطیحه حدر ایده,یطلع وکت الکراب یشوف الاخیوط کلهه مکروبه حتی ماکو درب یتعدّه ومن کلاله عودان بالراگ گالو الحمار طاح بالزرع ,ادری الزرع یایبینه ابدرب الحمار الحمارشنهو ذنبه

انوب اهل الدیره واید یهینون هذا الحمار بدون سبب بس غیر هوه خیّر وساکت,اذا واحد خاطی ومایفتهم یسمونه حمار,اذاواحد یأذی الناس ومایحترم الیاوید یسمونه حمار,اذا واحد یعارچ ویضر الناس یسمونه حمار,یعنی یاهو الی امسویله نکته یسمونه حمار,حاشا الحمار مایسوی های المسائل والمشاکل ولایوم گال انا احسن من کل الحمیر لو تعدّه علی احمار بالسلف لو حسدله احمار (بس لااطلع امچذب ذیچ السنه تعارک وی چلب بیت ایریوه والچلب چان مقصّر هذا الچلب یاهو المتعدی نابح علیه وحایده والحمار اشوی عنفص راد یدافع عن روحه لاینعض) هسه انیاب مدری اشماله اویه الحمار فوگ هذا التعب والنگال کله یکتله

هذا مدری شسمه (راح من بالی)هذا الی حاسب روحه احسن من کل الناس , هم مثل انیاب بالاداره مثل الشنهو یتملّگ للرئیس وحتی من یوالمه اوکات یاخذ ایده و یستنکف یسولف عرب بالاداره بس من یجی للعرب مدری شیصیر بی یتکبّر علی اهل دیرته وماهو قابل احد وکأنّه عنده ازماط وی الوادم لو یطلبهم طلب…,البارحه نسمعهم هوه ومرته یتطالبون تگلّه خایب الحمار ابوالتیو…اترید چای? شربت انهیمه ,(احمارزایر انیاب هم یسمع الاهانات وساکت , حتماعدروحه هم یگول های اشمالهه تتعارک وی ریّلهه تجیبنی انا بالوسطه!هسه معلوم ریّلهه احسن منی! )

الحمدلله تعدت بخیر بس هسه الطریفه علی سالفه زایر انیاب هم بالبیت محد حاسبه واوکات من یحچی حتی یعفطولّه ویجی یطلع حرگته بالحمار ادری هذا الحمار های السنین کلهه بالدیره محد شاف غبره منه ولایوم تکبّر علی الحمیر, بس اوکات ینوهج والصدگ صوته اشگد حلو احسن من صوت هذا الی بالیومیه یچذّب میه چذبه ویستغاب الناس ویفتن, بس للاسف حدزمان الی عدل انیاب مایعارف قدره عودک باچر شیفید اللوم انجمن حمایت ازحقوق اولیه حیوانات لو یفتهمون ابضیم هذا الحمار چان ماسکتو وانتغروله انیاب حسباله الحمار ماعنده احد بس لو خذو امشبّگ یعارف روحه