یومیات تسواهن

یعنی انه کل یوم الصبح علی ریجی اندعی للکرونا، من فضل رب الکریم ابوجاسم حاط کمامه عل حلگه، هوه گبل لایحط الکمامه من یحچی حچیه مایتفرزن، وهسه مو الکمامه علی حلگه من یسولف ویای عباره گاعد ایلوچ ابلگمه، انه هم مو مادری شیگول، بس اجاوبه “بلی” بس اوکات من هیچ ایسوی بیدهادری خربت اعصابه ولمنعول […]

یعنی انه کل یوم الصبح علی ریجی اندعی للکرونا، من فضل رب الکریم ابوجاسم حاط کمامه عل حلگه، هوه گبل لایحط الکمامه من یحچی حچیه مایتفرزن، وهسه مو الکمامه علی حلگه من یسولف ویای عباره گاعد ایلوچ ابلگمه، انه هم مو مادری شیگول، بس اجاوبه “بلی” بس اوکات من هیچ ایسوی بیدهادری خربت اعصابه ولمنعول گاعد ایشتمنی.وجویسم الی بل اسبوع مره یدخل الحمام، هل ایام بل یوم مرتین یسبح، ای عاد رحمه بس انه هم اخاف من قبض المای.

الحمدلله من فضل رب الکریم یوم شاعت الکرونا، الناس هجمت علی الصیدلیات یشترون کمامات (ماسک) بس هیه وین الکمامات؟ الله یدری، انه هم گلبت الصیدلیات فوگ، حدر مالگیت، گلت الروحی وسفه علیچ ام جاسم ادری هیه غیر وصله خام و کش! وبدیت ابصناعه الکمامات، اول شی حتی افتک من درمت ابوجاسم سویتله کمامه دو پوسته، عدنه نمده من زمان الشاه، گصیت منه وصله و الباس ابوجاسم الباید طلعت کشه وسویت من النمده کمامه نمدیه و لحمدلله خوش جاوبت ویه ابوجاسم.

وبما انه سوگ عبدالحمید سکرو، وقاسم ال کثیر الفگر لیل نهار یندح علینه اگعدو ببیوتکم، انه هم گلت عشان اطلع خرجیت البیت، چفافی ابو جاسم العتگ کلهن سویتهن اوصل گد چف الاید وبهل سهوله صنعت کمامات فریده من نوعها وسمیتها الکمامه المقاومه العربیه ضد الکرونا و جاسم هم بل واکساب، مدری شیگلوله ینشر صورهن و عدنه ابنیه احدیثه امعیصیم التمیمیه های هم شغلتها لیل، نهار بل واکساب تنشر کمامات الچفافی من اجل نجات الامه العربیه ولحمدلله ومن فضل رب الکریم، الناس غدت امذابح علی الکمامات ولو الله ایساعدنی و یخلی الکرونا بعد چم شهر اکید راح اشتری بیت ابکیانپارس بس گولو یا الله، البته خطرت ابالی فکره الضدفونی، بینی وبینکم اشتریت چم دبه وایتکس و حطیت ابکل بطل نوشابه استکانت وایتکس ولباقی مای، بس طلع مفعوله واید قوی لان طگیت چم بخه ابوجه ابوجاسم وهای یومین اعیونه حمر ویدمعن وخطیه مایشوف و بس من وره الکمامات ایدردم ومادری شیگول لکن من ایسوی بیده ادری بی گاعد ایشتمنی وینعل موتای.

سیدنشعان البوشوکه