من ایام الطفوله

د. عباس الطائی : آنه تولدت ابقریه اسمها الخرابه،بس چانت عامره،انتقلنا من الخرابه وآنه عمری چان سنتین. اتذکر چان بیتنه مال گصب و ابواری،حملوهن بالمشحوف،بس ذاک المشحوف چان چبیر وچان ایسمونه دانگ.

الدانگ چان اثنین ارجال ایجرونه ابحبل ایسمونها شاروفه. چان الدانگ یمشی تغریب خلاف جریان المای،لما وصل ال قریه ابوچلاچ.ابهای القریه کبرت ودرست لما صرت معلم.

قریه ابوچلاچ چان بیها جدی وخالی ووالدی وکلهم چانو یکتبون ویقرون ویعرفون الشعر والتاریخ وچانت گعداتهم اکثرها من هذا القبیل وآنه چنت اگعد ویاهم وتعلمت منهم واید،وما راح انسه ابوچلاچ او گعداتها…