سوالف بطران(۳)

سیدنشعان البوشوکه :جارنه حجی اکریم توفی بسبب الکرونا الله یرحم حجی اکریم عنده خمس بنات ،ما خلف ولد . الناس ابسبب الکرونا ماحضرو ،شی دزو رسایل تعزیه، وشی تغریده وشی بل اینستاگرام خلو صوره المرحوم و المشکله النو الحجیه زوجهالمحروم ماعدها نقال، یعنی الرسایل دزوهن علی هاتف المرحوم ولمرحوم نقاله بی خمسه وخمسین قفل،یعنی الا المرحوم یطلع من گبره ویفتح النقال ویقره رسایل التعزیه لعیاله!

زوجه المرحوم ضلت هیه وبناتها یلطمن ویتصارخن وحدهن، وبما انه المرحوم ماعنده ولد (معمولا اهدوم الرجل المیت للولد البکر)آنه من اول یوم جابلت الحجبه وشگیت زیجی (علی فکره دشداشتی عتیجه وطالعه روحها) او لطمت علی صدری، وحقکم آنه صارت شغلتی کل یوم الصبح اجابل اعیال المرحوم والطم ونحب وصیح خویه یا اکریم، الحاصل یوم ثالث الفاتحه الحجیه،مدری رادت اتجازینی ابسبب مواساتی الهم ،مدری رادت تفتک منی،شالت بشت ودشداشه،وچفیه من اهدوم المرحوم وعطتنیاهن، حضنت الهدوم وصحت خویه اکریم، خووویه عینی ریحت اهدومک،عود ردت اگول خویه عینی ریحتک،اخ امنل العوز

یتبع